अन्य जानकारीहरु
सार्वजनिक सुविधा
चारित्रिक प्रमाणपत्र
नेपाल प्रहरीले बिभिन्न प्रयोजनका लागि चारित्रिक प्रमाणपत्र उपलब्ध गराई पाऊ भनी अनलाईन निवेदन दिने स्वदेशी तथा विदेशी नागरिकहरूलाई चारीत्रिक प्रमाणपत्र उपलब्ध गराउने गर्दछ ।
चालचलन प्रमाणपत्र सम्बन्धी थप जानकारी
Mission Statement
"कानुनी राज्यको मूल अवधारणाबाट निर्दिष्ट प्रभावकारी अपराध नियन्त्रण र अनुसन्धान एवं कानुन कार्यान्वयनद्धारा समाजमा शान्ति, सुव्यवस्था एवं सुरक्षा स्थापना गर्न प्रतिवद्ध, राष्ट्रप्रति समर्पित, स्वच्छ एवं व्यवसायिक प्रहरी"
-
करिब ८ किलो सुन जस्तो देखिने धातु सहित दुई जना भारतीय नागरिक पक्राउ
२०८१-०६-१९मकवानपुर, हेटौंडा उपमहानगरपालिका-१५ रातोमाटेबाट ८ किलो २४३ ग्राम ९७० मिलिग्राम सुन जस्तो देखिने धातु सहित दुई जना भारतीय नागरिकलाई शनिबार बिहान प्रहरीले पक्राउ गरेको छ । पक्राउ पर्नेहरूमा भारत महाराष्ट्र सांगली दिघंची थाना पुजारवाडी बस्ने २५ वर्षीय अभिषेक अजिनाथ कुटी र २७ वर्षीय राहुल भिट्टिहाल बाड रहेका छन् । जिल्ला प्रहरी कार्यालय मकवानपुरबाट खटिएको प्रहरीले पथलैयाबाट हेटौंडातर्फ आउँदै गरेको बागमती प्रदेश ०२-०४७ प ७५०३ नम्बरको स्कुटरलाई जाँच गर्ने क्रममा स्कुटरमा सवार उनीहरूले आफ्नो शरीरको विभिन्न भागमा लुकाई छिपाई ल्याएको ८ थान बिस्कुट आकारको उक्त तौलको धातु फेला पारी उनीहरूलाई पक्राउ गरेको हो । उनीहरूलाई थप अनुसन्धान तथा कारवाहीको लागि राजश्व अनुसन्धान कार्यालय पथलैया बारा पठाइने छ ।
[ विस्तृतमा ] -
अवैध लागूऔषध सहित विभिन्न स्थानबाट १७ जना पक्राउ
२०८१-०६-१९काठमाडौं महानगरपालिका-१५ स्वयम्भूबाट नियन्त्रित लागूऔषध ट्रामाडोल ४ सय ७० ट्याब्लेट, स्पास्मो १ सय ३० ट्याब्लेट र नगद ११ हजार ८ सय रूपैयाँ सहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ डेरा गरी बस्ने ३० वर्षीया पुजा खड्की तामाङ र रामेछाप दोरम्बा गाउँपालिका-५ घर भई हाल काठमाडौं नागार्जुन नगरपालिका-४ बस्ने २४ वर्षीय समिर मगर रहेका छन् । प्रहरी वृत्त स्वयम्भूबाट खटिएको प्रहरीले पुजाको कोठा तलासी गर्दा उक्त लागूऔषध फेला पारी दुवै जनालाई पक्राउ गरेको हो । रूकुम पश्चिम, मुसिकोट नगरपालिका-५ सेरीगाउँबाट अवैध लागूऔषध अफिम जस्तो देखिने पदार्थ करिब ८ किलो १ सय ग्राम सहित २ जनालाई शुक्रबार राति प्रहरीले पक्राउ गरेको छ । पक्राउ पर्नेहरूमा मुसिकोट नगरपालिका-५ सेरीगाउँ बस्ने सोही बगरपालिका-९ बालचौर घर भएका ३६ वर्षीय भिम बहादुर वली र आठविसकोट नगरपालिका-२ स्याला बस्ने ३५ वर्षीय अजय यरी रहेका छन् । जिल्ला प्रहरी कार्यालय रूकुम पश्चिमबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । रूपन्देही, मायादेवी गाउँपालिका-४ बनकसिया बस्ने २६ वर्षीय विनोद कुमार सोनारलाई अवैध लागूऔषध खैरो हेरोइन जस्तो देखिने पदार्थ १२ ग्राम ३ सय ५० मिलिग्राम सहित शुक्रबार दिउँसो प्रहरीले पक्राउ गरेको छ । लागूऔषध नियन्त्रण व्यूरो शाखा कार्यालय भैरहवा र इलाका प्रहरी कार्यालय लुम्बिनीबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको हो । यसैगरी लुम्बिनी सांस्कृतिक नगरपालिका-१० महजिदिया बस्ने ३० वर्षीय रामचन्द्र बढैको घरबाट अवैध लागूऔषध खैरो हेरोइन जस्तो देखिने पदार्थ १० ग्राम ५ सय मिलिग्राम फेला पारी उनलाई समेत शुक्रबार दिउँसो प्रहरीले पक्राउ गरेको छ । पाँचथर, फिदिम नगरपालिका-४ जोरसाल बस्ने २४ वर्षीय अबिन सुजी समेत ५ जनालाई अवैध लागूऔषध खैरो हेरोइन जस्तो देखिने पदार्थ करिब १ ग्राम, नियन्त्रित लागूऔषध ट्रामाडोल ४ पत्ता र नगद ७ हजार रूपैयाँ सहित शुक्रबार राति प्रहरीले पक्राउ गरेको छ । जिल्ला प्रहरी कार्यालय पाँचथरबाट खटिएको प्रहरीले अबिनको घर तलासी गर्दा उक्त लागूऔषध फेला पारी उनीहरूलाई पक्राउ गरेको हो । साथै उनीहरूले प्रयोग गरेका प्र.१-०३-००१ प ६५४० नम्बरको मोटरसाइकल र प्र.३-०२-०११ प ५३२२ नम्बरको स्कुटर प्रहरीले बरामद गरेको छ । सुर्खेत, विरेन्द्रनगर नगरपालिका-३ एरिचोकबाट अवैध लागूऔषध ब्राउनसुगर जस्तो देखिने पदार्थ ७ सय ७० मिलिग्राम सहित सोही नगरपालिका-४ डेरा गरी बस्ने लेकवेशी नगरपालिका-९ घर भएका ३२ वर्षीय अनिल कुमार बुढा मगरलाई शुक्रबार राति प्रहरीले पक्राउ गरेको छ । लागूऔषध नियन्त्रण व्यूरो नियन्त्रण शाखा कार्यालय सुर्खेत र जिल्ला प्रहरी कार्यालय सुर्खेतबाट खटिएको संयुक्त टोलीले मंगलढी चोकबाट मुलपानी चोकतर्फ जाँदै गरेको भे.८ प ७२१९ नम्बरको मोटरसाइकलमा सवार उनलाई उक्त पदार्थ सहित पक्राउ गरेको हो । कैलाली, कैलारी गाउँपालिका-८ लौसाबाट अवैध लागूऔषध ब्राउनसुगर जस्तो देखिने पदार्थ ४ सय ३० मिलिग्राम सहित ३ जनालाई शनिबार बिहान प्रहरीले पक्राउ गरेको छ । पक्राउ पर्नेहरूमा सोही गाउँपालिका-८ बस्ने ३० वर्षीया रिता कठरिया, गौरीगंगा नगरपालिका-१० बस्ने २८ वर्षीय इन्द्र कठायत र सोही नगरपालिका-८ बस्ने ३२ वर्षीय हेम चौधरी रहेका छन् । जिल्ला प्रहरी कार्यालय कैलालीबाट खटिएको प्रहरीले रिताको कोठा तलासी गर्दा उक्त पदार्थ फेला पारी उनीहरूलाई पक्राउ गरेको हो । दाङ, लमही नगरपालिका-९ तल्लो अमिलियाबाट अवैध लागूऔषध ब्राउनसुगर जस्तो देखिने पदार्थ ५ सय ५० मिलिग्राम सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरूमा तुलसीपुर उपमहानगरपालिका-४ बस्ने २२ वर्षीय अनिस परियार र सोही उपमहानगरपालिका-८ बस्ने २६ वर्षीय गणेश सुनार रहेका छन् । इलाका प्रहरी कार्यालय अमिलियाबाट खटिएको प्रहरीले कोहलपुरबाट तुलसीपुरतर्फ आउँदै गरेको रा.५ प ४८२ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
[ विस्तृतमा ] -
जबरजस्ती करणी गरेको अभियोगमा पक्राउ
२०८१-०६-१९दाङ, ११ वर्षीया बालिकालाई जबरजस्ती करणी गरेको अभियोगमा राजपुर गाउँपालिका-२ बेला बस्ने ४० वर्षीय धर्मराज यादवलाई शुक्रबार दिउँसो प्रहरीले पक्राउ गरेको छ । यादवले ती बालिकालाई ललाई फकाई प्रलोभनमा पारी जबरजस्ती करणी गरेको भन्ने उजुरीको आधारमा इलाका प्रहरी कार्यालय गढवाबाट खटिएको प्रहरीले उनलाई पक्राउ गरेको हो । झापा, १४ वर्षीया बालिकालाई जबरजस्ती करणी गरेको अभियोगमा मेचिनगर नगरपालिका-१ बस्ने २१ वर्षीय दिक्छेन तामाङलाई शुक्रबार बेलुकी प्रहरीले पक्राउ गरेको छ । तामाङले ती बालिकालाई गत असोज १४ गते जबरजस्ती करणी गरेको भन्ने उजुरीको आधारमा इलाका प्रहरी कार्यालय काँकरभिट्टाबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
[ विस्तृतमा ]
प्रकाशित मिति | शीर्षक | कार्यहरु |
---|---|---|
२०८१-०६-१८ | प्रहरी सहायक निरीक्षक पदमा नयाँ नियुक्ति तथा पदस्थापन सम्बन्धमा (मिति २०८१।०६।१८) । | |
२०८१-०६-१६ | Sealed Quotation for Medicine (drugs), Equipment's and Reagents for Dog | |
२०८१-०६-०८ | प्रहरी कल्याण कोषको मुद्दती निक्षेप लगानी सम्बन्धी सूचना (२०८१-०६-०८) | |
२०८१-०६-०८ | प्रहरी नायव उपरीक्षकहरुको सरुवा/काज सम्बन्धमा। | |
२०८१-०६-०८ | प्रहरी उपरीक्षकहरुको सरुवा/काज सम्बन्धमा। | |
२०८१-०६-०६ | Invitation for Online-Bids (2081-06-06) |
हाईलाईटहरु
- प्रहरी सहायक निरीक्षक पदमा नयाँ नियुक्ति तथा पदस्थापन सम्बन्धमा (मिति २०८१।०६।१८) ।
- Sealed Quotation for Medicine (drugs), Equipment's and Reagents for Dog
- प्रहरी उपरीक्षकहरुको सरुवा/काज सम्बन्धमा।
- प्रहरी नायव उपरीक्षकहरुको सरुवा/काज सम्बन्धमा।
- प्रहरी कल्याण कोषको मुद्दती निक्षेप लगानी सम्बन्धी सूचना (२०८१-०६-०८)
- Invitation for Online-Bids (2081-06-06)
- प्रहरी सहायक निरीक्षक (जनपद) पदको अन्तिम नतिजा प्रकाशन सम्बन्धी सूचना (२०८१-०६-०४)